Nagdihon it sangka resolution ro daywang Senador kahapon para magpahayag it simpatiya it mataas nga kapueungan it Kongreso sa pagkamatay ni dating Pangueong fidel Ramos.
Gindihon ni Senate President Juan Miguel Zubiri ro Resolution No. 72 samtang gindihon man ni Senate Majority Leader Joel Villanueva ro Resolution No.73 sang adlaw matapos ro pagkamatay it dating Pangueong Ramos.
Sa gindihon nga resolution ni Senate president Zubiri, nakabaehag nga ro pagpanaw it sangka brilliant military man, politician ag statesman hay makabig nga mabahoe nga kadueaan para sa nasyon.
Kilaea sigon ro Ramos administration para sa pagsueong it economic reforms nga nagpabaskog it investments ukon kapital sa nasyon ag sa ekonomiya ko 1997 East Asia Financial Crisis para sa recovery efforts nit nasyon ag ibangon ro nasyon maghalin sa Sick Man of Asia nga maging Asia’s Next Tiger Economy.
Samtang, sa resolution man nga gindihon ni Senator Villanueva ginpahayag kara nga sangka champion si FVR sa mga reporma sa sektor it edukasyon.
Sa panyempo sigon it Ramos administration, naipasa ro Higher Education Act of 1994 bilang laye nga kaparte it anang maeapnagon nga agenda para sa reporma sa edukasyon.
Ro dating Pangueo man ro nakakriar it Technical Education and Skills Development Authority ukon TESDA nga ginpangunahan man kato it dating Senado.
