KALIBO, Aklan–Owa pa nagpatuman it paghueag sa presyo it gasolina ag diesel ro Shell Gasoline Station makaron nga adlaw it Martes.
Raya hay sa pihak it ginaeauman nga ika-limang dominggo nga rollback sa diesel ag pagtaas sa presyo it gasolina base sa pahayag it taga-industriya it langis.
Suno kay Bryan Nieves, manager it Shell Gasoline Station, nagapabilin nga ro dating presyo ko nagtaliwan nga dominggo ro andang ginasunod bangud owa pa nakapagguwa it advisory ro andang kompaniya.
Sa makaron, ro presyo it andang premium gasoline hay nagapabilin sa P77, ro unleaded hay P76.25 ag ro diesel hay P80.55.
Sa pihak kara, nakaangkon man it pagnaba sa presyo it kada tangke it LPG umpisa kahapon.
Ro 11kg nga tangke it LPG hay nagnaba it P23 samtang P46 man sa 22kg ag P105 sa 50kg nga tangke.
