KALIBO, Aklan—Naaksyunan eon ro reklamo it mga lehitimong vendors sa Kalibo public market matapos nga ginmando ro pag-apprehend sa mga illegal vendor eabi eon ro uwa it pwesto ag uwa nagabayad it nagakaigong ticket.
Suno kay Kalibo sangguniang bayan member Raymar Rebaldo, nakaangkon it improvement sa merkado publiko matapos nga gintaw-an it igtaeopangod it lokal nga gobyerno ro reklamo nga ginpaabot it mga vendors kon siin nawawad-an eon sanda it bumaeakae bangud sa mga illegal nga manugbaligya sa guwa it tindahan nga nagaharang sa andang mga suki.
Mag-eowas kara, ginpapakas man sigon kay market supervisor Abel Policarpio ro mga kilohan nga may daya ag ginapalimitahan sa mga supplier it isda ro andang reseller agud nga inde ro mga raya magpanggutok sa sueod it tindahan.
Ginaeauman nga magapadayon ro improvement ag magasunod ro mga negosyante ag vendors sa mga polisiya sa sueod it merkado publiko.
Madumduman nga ko nagtaliwan nga adlaw it Lunes hay nag-inspeksyon si mayor Juris Bautista agud nga makit-an ro kahimtangan it mga vendors ag ro sitwasyon sa sueod it tindahan.
