Ginapursige makaron ni Kalibo sangguniang bayan member Raymar Rebaldo nga mapaatubang sa konseho si Engr. Marlo Villanueva it municipal planning and development office it lokal nga gobyerno agud nga masabat ro kutana it mga kapitan angot sa nakataeana kunta nga covid-19 quarantine facility sa mga kabaranggayan.
Suno kay Rebaldo, makapilang beses eon nanda nga ginpatawag si Engr. Villanueva apang uwa gihapon raya nagsipot para maklaruhan ro isyu angot sa uwa gihapon natao sa mga barangay council ro pondo nga nakataeana para sa nasambit nga pasilidad.
Ginakwestyon dugang nga kon gindivert ro pondo sa ginpatindog nga quarantine facility sa Brgy. Nalook hay ham-an it uwa raya nag-agi sa sangguniang bayan ag ro gusto makaron it MPDO head hay iratify ro nasambit nga dokumento.
Ro pondo hay loan sa sangka bangko para kunta sa pasilidad nga proyekto it LGU.
