-- ADVERTISEMENT --
KALIBO, Aklan–Pabor si Municipal Agricultural Officer Uriel Las Piñas nga mag-import it asukar engkaso nga mapamatud-an nga may kakueangan sa suplay ro bilog nga nasyon.
Suno kana, kinahang-ean nga ma-stabilize ro presyo it asukar sa merkado.
Apang, kinahang-ean anay sigon nga usisaon it natungdan nga ahensya it gobyerno ro sitwasyon partikular ro suplay it asukar sa mga bodega para matumod kung kinahang-ean pa nga mag-import ukon indi eabi pa ag nagahilapit eon ro ‘harvest ag milling’ season it tubo.
Samtang, base sa pahayag ni Pangueong Ferdinand “Bongbong” Marcos Jr. posibleng kinahang-eanon it nasyon ro pag-import it asukar sa buean it Oktobre.
