KALIBO, Aklan—Positibo suno kay Randy Rebaldo, head it Person with Disability Affairs Office ukon PDAO Aklan ro naging sabat it 17 ka mga alkalde sa bilog nga probinsya sa ginduso nga resolusyon ni second district board member Jay Tejada angot sa pagpadasig sa online registration it datos it mga person with disabilities ukon PWD nga may una sa andang nasakupan.
Ginpahayag dugang ni Rebaldo nga sandig sa resolusyon ni Tejada nga ginapaalalayan nana sa mga alkalde it kagamitan kaparehas it computer set ag internet access ro mga focal person ukon andang mga leader agud nga mapadasig ro andang trabaho.
Kinahang-ean suno kana nga ro tanan nga mga PWD’s maskin sa mga kabaryuhan hay marehistro bangud nga kwalipikado ro mga raya sa assistance it gobyerno.
Sa raya man nga pamaagi hay madali ro pagkilaea kanda it gobyerno ag sa pagbulig sa oras it andang kinahang-eanon.
