Makabig nga nakaginhawa it maayos ro coaching staff it national team Gilas Pilipinas matapos nga masayran nga makaibahan eon man sa 13 mga players ro big man nga si Japeth Aguilar nga magasabak makaron nga dominggo sa fourth window it FIBA Basketball World Cup Asian qualifiers.
Gina-aku man ni Samahang Basketbol ng Pilipinas (SBP) executive director ag spokesperson Sonny Barrios nga mabuhay eon nga gusto ni head coach Chot Reyes ag coach Tim Cone nga maging kaparte it national team si Aguilar maghalin pa sa pag-umpisa sa andang training.
Ro 35-anyos nga veteran PBA player hay magatao it dugang nga mga mataas nga players it nasyon, para makaibahan ro 7-foot-3 nga si Kai Sotto ag ro NBA star nga si Jordan Clarkson.
Samtang, sa Biyernes man ro hampang it Pilipinas kontra Lebanon ag pagasundan it hampang kontra Saudi Arabia sa masunod nga Lunes.
