Apektado man it pagtaas it presyo it asukar ag gina-alegar nga kakueangan it supply kara ro presyo it iba pang consumer product.
Suno kay Department of Trade and Industry (DTI) Usec. Ceferino Rodolfo, kaibahan kara ro mga pruduktong maabu nga asukar kapareho it softdrinks, 3-in-1 coffee, pastry products, ag mga fruit juice.
Raya ro sabat it DTI kat kutan-on angot sa report nga nagtaas eon ro presyo it sago ag gulaman ag ensaymada sa tunga it organizational meeting it Senate Committee on Trade, Commerce, and Entrepreneurship.
Mag-eowas kara, ginpahayag ni DTI Planning and Management Service Director Robert Arceo nga ro pagkaon ag non-alcoholic beverages ro nagapangunang rason it pagtaas it inflation rate ukon madasig nga pagtaas it presyo it nagapangunang baeak-eon.
Madumduman nga ko Hulyo hay nag abot sa 6.4% ro inflation rate sa nasyon nga pinakamataas ko 2018.
Samtang, gindugang pa it DTI nga makabulig sa pagpugong it inflation rate ro hugut nga pagpatuman it suggested retail price (SRP) sa mga nagapangunang baeak-eon.
