Skysurfer naeampasan ro kaugalingon nga  world record matapos makalista it  175 spins sa kahawaan

Naeampasan it  skysurfer halin sa  Virginia ro anang kaugalingon nga  Guinness World Record matapos nga makompleto ro  175 spins sa sangka  single jump  ukon pag-eumpat .

Nahimo ni  Keith “Kebe” Edward Snyder ro  175 spins sa  ginpatigayon nga skysurfing session sa Orange, Virginia, kun  sa siin na-break  kara ro anang  kaugalingon nga  Guinness World Record  nga  160 spins  ukon pagtiyog-tiyog sa kahawaan it Giza, Egypt, ko  2021.

Nasayuran nga si Snyder hay nagadaog eon it  pilang skysurfing national championships ag naging  alternate para sa  X Games antes nga ginbo-oe ro  skysurfing category ko 2000.

Ginpahayag dugang nga ko  2021 pa nana gusto nga eampasan ro anang kaugalingon nga record, apang makaron eamang raya nataw-an it katumanan.