Kalibo, Aklan–Gina-abangan eon it maabu nga mga Pinoy ro nagahilapit nga Best Model of Europe 2022.
KALIBO, Aklan–Nakataeana nga pagahiwaton ro kompetisyon sa bahin it Barcelona, Spain sa Setyembre 3.
Suno kay Bombo International Correspondent Maria Edzel Lampapero Lopez, raya hay dag-unan nga kompetisyon nga ginapasakupan it maabu nga mga kandidata halin sa nagkaeain-eain nga nasyon sa Europe.
Makaron nga dag-on suno kana hay lima ro pambato it Pilipinas nga naka-base sa Espanya.
Ginapahayag nga pure blooded Filipina ro mga representante makaron it nasyon.
Nagapati man si Lopez nga mabahoe ro tyansa it nasyon nga magdaog bangud sa angkon nga abilidad it mga Pinay candidate.
Mag-euwas kara, maabu man nga oportunidad ro nagahueat ag posibleng magbukas sa mga nagapasakop partikular ro pagiging model ukon ambassador it nagkaeain-eain nga brands.
Engkaso nga sangka Pinay ro magdaog, raya sigon ro kauna-unahan nga kahigayunan nga makabuoe it nasambit nga titueo ro Pilipinas.
Nasayuran nga una eon nga ginpatigayun ro presentation it mga kandidata ko Agosto 28.
