Natuldukan eon ro mabuhay eon nga ginapatihan it gobyerno sa India tag nagpatigayon it prosesyon ro sangka 102-anyos nga si Duli Chand nga ginapatihan nagtaliwan eon.
Nasayuran nga ginpundo ro pagtao it pension kay Chad bangud nakabutang sa record it Indian government nga imaw hay patay eon.
Nag-abot si Chand sa sangka government office sa nasambit nga lugar kaibahan ro sangka banda samtang nakasakay sa kalesa ag nagasuksuk it barong ag nagasinggitan it deklerasyon nga imaw hay buhi pa.
Suno kay Chand nga ko nagtaliwan pa nga Marso tag ginpundo it gobyerno ro pagtao kana it ana nga pension bangud nagaguwa sigon sa government records nga imaw hay patay eon.
Ro aktibista nga si Naveen Jaihind, nga kaibahan man sa mga nagprosesyon ro sambilog man sa nagbulig sa magueang para maangkon ro hustisya angot sa anang pension.
Sa pihak nga parte, matapos nga mag viral ro video ni Chand hay nasayuran nga maabo pang mga indibidwal ro nagapangatubang man it kaparehong kaso.
