Magapangatubang sa kasong pag-eabag sa Republic Act 9165 ukon Comprehensive Dangerous Drugs Act of 2002 ro sangka catering agent kasunod it ginpatigayon nga drug buy-bust operation it pulisya sa Brgy. Pook, Kalibo.
Suno kay PLt.Col Frenzy Andrade, head it Provincial Drug Enforcement Unit ukon PDEU Aklan nga nabueo sa posisyon ag kontrol it suspek nga si Robin Sijera, sa legal nga edad ag residente it Barangay New Buswang, Kalibo ro sangka sachet it suspected shabu kabaylo it kapin sa P1,500 pesos nga buy-bust money.
Mag-eowas kara, narekober dugang ro kapin sa ap-at ka mga suspected shabu sa inventory it anang kagamitan nga daea.
Ginpahayag dugang ni PLt.Col. Andrade nga newly identified nanda ro nasambit nga suspek kon siin ro anang mga parokyano hay mga dati eon man nga nakulong bangud sa illegal nga droga apang nakahilway matapos nga naka avail it plea bargaining kamana man mga drug surrenderre.
Sa pihak kara, naghinyo si PLt.Col. Andrade sa mga nagaduso pa it illegal nga droga nga untaton eon ro andang ginahimo bangud nga ro mismong mga kapulisan hay uwa man naga ungkat sa pag-eagas kanda kamana man uwa raya it manami nga maita-o sa ikaayong eawas ag maging sa bilog nga pamilya.
