Uman nga ginklaro it Department of Social Welfare and Development (DSWD) nga owa it kasiguraduhan nga magataw-an educational cash assistance ro tanan nga mga estudyanteng nag-apply online ag nakabaton it text confirmation.
Ginpaathag ni DSWD spokesperson Assistant Secretary Romel Lopez nga maga-agi pa sa assessment it andang social workers ro tanan nga mga nagrehistro online ag depende man raya sa availability it pondo.
Rason nga bukon sigon it awtomatikong makabaton it educational aid ro mga nakaparehistro online ag nakabaton it text confirmation.
Maghalin sa kabilugang P1.5 billion nga pondo para sa nasambit nga assistance, kapin sa P941.46 million eon ro napanupod sa 375,485 indigent and in crisis students.
Suno pa sa DSWD spokesperson nga engkasong matapos ag maubos eon ro pondo hay posibleng magapanupod uman it educational assitance sa masunod nga school year.
Una eon nga nag-apela ro DSWD sa House of Representatives nga buligan ro ahensiya para maigapadayon ro distribusyon it one -time educational cash aid.
Nagpangayo ma it pag-intindi ro DSWD official sa mga owa naeakip sa inisyal nga pagpanupod it educational assistance ag ginsiguro nga sa mga masunod nga adlaw, magapanupod ro congressional district pagkatapos it ulihing educational payout sa Setyembre 24.
Madumduman nga ko nagtaliwan nga Setyembre 10, opisyal eon ga ginpapundo it DSWD ro online registration para sa educational aid para sa mga nagakalisod sa pagtuon matapos nga umabot sa 2 million eon ro nakaparehistro.
