Eumampas pa sa target ro buwis nga nakolekta ko buean it Agosto.
Suno sa Bureau of Internal Revenue (BIR), nag-abot sa P228.938 billion net of tax refund ro nakolekta nga mas mataas pa sa target nga P219.172 billion para sa Agosto.
Kung igakumpara man sa nakolekta ko Agosto 2021, mas mataas man raya it 23.03% sa nakolekta ko Agosto 2022.
Bangud kara, umabot sa kabilugan nga P1.559 trillion ro cumulative collections it BIR halin ko Enero hasta Agosto 2022 nga mas mataas it 12.25% kumpara sa parehong period it nagtaliwan nga dag-on.
Suno man sa economic managers nga ro pagdigitalize sa pagkolekta it buwis ag iba pang government transaction hay makabulig para mapamayad ro koleksyon nga makapataas pa it pondo para sa mga social projects ag infrastructure developments it gobyerno.
