KALIBO, Aklan—Nag-umpisa eon ro pagbiyahe nanday US President Joe Bidel kaibabahan ro asawang si US First lady Jill Biden ag pilang mataas nga opisyal sa London para magtambong sa state funeral ni Queen Elizabeth II.
Suno kay Bombo International Correspondent Greg Aguilar it California, USA nga sakay it Airforce 1 ro presidente kung siin pagabantayan raya it 400 ka mga secret service officers.
Ginaeauman nga maka-istorya it US President ro maabu nga mga head of states halin sa nagkaeain-eain nga nasyon ag ro miyembro it Royal family.
Nasayuran nga sambilog ro Amerika sa mga nasyon nga nagpaabot it pagkasubo ag pakikisimpatiya sa pagtaliwan it pinakamabuhay nga reyna it Britanya.
Samtang, mabahoe man ro pagpati ni Aguilar nga makabalik si Biden sa nasyon antes ro opisyal nga pag-umpisa it UN General Assembly.
Sa rayang aktibidad magakililita ag magadiskurso ro mga world leaders.
Pila sa mga raya hay nagbiyahe eon paadto it Estados Unidos kaibahan si Pangueong Ferdinand “Bongbong” Marcos Jr.
Sangka manami sigon raya nga opotunidad para sa mga nasyon agud nga maistoryahan ro nagkaeain-eain nga problema sa kalibutann.
