Magapangatubang sa kasong pag-eabag sa Republic Act 9165 ukon Comprehensive Dangerous Drugs Act of 2002 ro sangka tricycle driver matapos nga nadakpan sa drug buy-bust operation nga ginkasa it mga otoridad bandang alas-3:00 it hapon sa Sitio Lambingan Barangay Pook, Kalibo.
Ginkilaea ni PLt.Col. Frenzy Andrade, head it Provincial Drugs Enforcement Unit ukon PDEU Aklan nga si Remigio Eusebio Jr., 40 anyos ag residente it Barangay Ibao, Lezo.
Nabueo sa posisyon ag kontrol it suspek ro sangka sachet it suspected shabu kabaylo it kapin sa P3,000 pesos nga buy-bust money.
Dugang pa kara ro sangka sachet it kaparehong illegal nga droga nga nabueo sa ginpatigayon nga body search.
Ro nasambit nga suspek hay kapin sa daywang dominggo pa eamang nga ginsurveillance it mga otoridad antes nga nadakpan.
