Aprubado eon sa Espanya ro pagtao it gobyerno it kapin sa 250 Euros sa mga pamatan-on nga naga-edad 18 hasta 36-anyos

KALIBO, Aklan—Aprubado eon sa Espanya ro pagtao it gobyerno it kapin sa 250 Euros sa mga pamatan-on nga naga-edad 18 hasta 36-anyos.

Tuyo kara nga mabuligan ro mga nasambit nga indibidwal nga maging independent halin sa andang mga ginikanan.

Suno kay Bombo International Correspondent Maria Edzel Lamparero Lopez it Madrid, Spain nga ko nagtaliwan pa nga dag-on ginbaeay ro nasambit nga proposisyon ag makaron hay eubusan eon raya nga gin-aprubahan.

Ginaeauman nga mai-publish eon raya sa national bulletin sa masunod nga dominggo.

Posible sigon nga makabaton it ayuda ro mga pamatan-on nga legal nga naga-istar ag nagatrabaho sa Espanya.

Kinahang-ean eamang nga naka-ubra ro mga raya it tatlong buean sa sueod it an-om nga buean.