-- ADVERTISEMENT --
KALIBO, Aklan–Ginkalipay it maabu nga mga nasyon ro pagnaba sa $80 it kada barelis it langis matapos ro haeos waeong buean.
Suno kay Bombo International Correspondent Greg Aguilar it California, USA nga raya eon ro pinakamanaba nga presyo halin ko Enero.
Nasayuran nga nag-abot sa $135 ro presyo it kada barelis it langis nga masyadong mataas ag nagpaantos sa mga pumueoyo.
Nagaeaum man si Aguilar nga magadire-diretso eon ro pagnaba it presyo it langis bangud mabahoe raya nga ginhawa sa mga nasyon.
