Maid-id nga gintan-aw ni Independent Minority ag Albay Representative Edcel Lagman ro confidential ag intelligence funds nga P4.5 B it Office of the President (OP).
Sandig sa interpelasyon ni Rep. Lagman kay Navotas Representative Toby Tiangco nga sponsor sa budget it Office of the President, ginkutana ni Lagman si Tiangco kung may safeguards nga ginapatuman sa pag disburse it nasambit nga pondo.
Sandig sa pahayag it COA nga indi puweding i-disclose ro gingastos bangud ro nature it confidentiality it nasambit nga pondo.
Suno man kay Tiangco nga may mga disbursement nga ginhimu ro Office of the President ag may mga safeguards nga ginapatuman para sa pamaagi it pondo.
Ro confidential funds it OP hay kapin sa P2.250-B ag P2.250-B man para sa intelligence funds.
Gin-insister man ni Lagman nga ro P4.5 billion Confidential and Intelligence funds it OP hay mas mabahoe sa proposed budget it mga ahensiya it gobyerno ag departments kapareho it Comelec ag it Office of the Ombudsman.
Samtang, sa proposed 2023 General Approriations Bill may kabilugang masobra P9.2 billion nga confidential and intelligence funds sa budget it nagakea-eain nga ahensiya it gobyerno, departments kaibahan ro OP.
Bangud kara, nag-apela si Lagman sa Kamara naga maging madahan sa pagtugyan ukon pag allocate it pondo para sa confidential ag intel funds bangud maabo pang mga ahensiya it gobyerno ro owa it pondo kapareho eon lang it SPED program nga zero budget, Libreng pasahe program, Cancer prevention and Treatment Program.
