Sen. Pimentel, gustong paimbestigahan ro Philippine Charity Sweepstakes Office draw matapos ro pagdaog it 433 bettors sa Grand Lotto

Gusto makaron ni Minority Leader Aquilino “Koko” Pimentel III nga magdihon it resolusyon nga tuyong imbestigahan kung paano nagdaog ro  433 bettors sa Philippine Charity Sweepstakes Office (PCSO) Grand Lotto jackpot.

Suno sa senador, makangaeawa sigon raw ro resulta it draw bangud ro tiyansa sigon nga maboue it masobra  400 manugtaya ro paearehong kombinasyon hay “one in a billion.”

Kung madumduman, sandig sa resulta it 6/55 lottery draw ko Lunes it gabi-e hay nagguwa ro winning number combination nga 09-45-36-27-18-54.

Mataeupangdan nga ro  an-um nga numero hay paearehong multiples it number nine.