KALIBO, Aklan—Nag-apela si sangguniang bayan member Agosto Tolentino sa kapulisan nga hugut nga bantayan ro patas nga access ag kaeowasan sa daean it mga persons with disabilities ukon PWDs.
Raya hay matapos nga mataeupangdan nga owa masyadong ginasunod it mga motorista ro gintaeana nga PWD-friendly pedestrian crossings ag parking area.
May nagakaigo sigon raya nga ordinansa nga kinahangean nga mapatuman it mga otoridad.
Suno kay Tolentino nga importante nga masunod ro mga programa ag serbisyo para sa mga PWDs agud nga mabuligan sanda nga maging maayos ro andang pagpangabuhi.
Kamana man ro implementasyon it mga laye nga may kaangtanan sa mga indibidwal nga may kapansanan.
Nataeupangdan nga pila sa mga motorista hay naga-parking sa gintaeana nga parking area para sa PDWs kamana man nga may iba nga owa eagi nagapundo maskin nga nakita nga may nagatabok sa PWD-friendly pedestrian crossings.
Samtang, gindayaw man kara ro mga pulis, tanod ag mga kap members nga naga-asiste sa mga PWDs ag senior citizens nga nabudlayan nga magtabok sa karsada ag magsakay sa mga saeakyan.
