Nagpahayag eon sa unang kahigayonan ro Iran Supreme leader umpisa tag nag-eontad ro anti-government protest sa andang nasyon kasunod it pagkamatay it sangka 22 anyos nga Iranian woman nga si Mahsa Amini samtang sa kustodiya it police.
Suno kay Iran Supreme leader Ayatollah Ali Khamenei nga ro natabong “riots” sa andang nasyon hay pakana it ginatawag karang “arch-enemies’ it Iran, ro Amerika ag ro kaalyado nga fake Zionist regime, roIsrael.
Ginbasoe it Supreme leader ro natabo nga kinagamo sa andang nasyon nga kaparte sigon it foreign effort para ma-destabilize ro Iran ag paghana para mapunggan ro ‘progress’ it andang ansyon.
Una eon nga nagpahayag it pagkakibot ro Amerika sa naging bayolenteng sabat it Iran sa mga hubeag protesta kung siin nagabunae eon sa haeos 100 katawo ro namatay.
Suno kay US President Joe Biden, imaw hay nagakabaeaka sa mga nareport nga nagalala pa nga violent crackdown sa mga protesters nga panawagan eamang hay just ag universal principles ag nakit-an sa mga kababayenhang Iranian nationals nga inspirasyon sa kalibutan ro andang kaisog.
