KALIBO, Aklan—Naging madinaeag-on ro ginpatigayun nga opening salvo it lokal nga gobyerno it Kalibo ko adlaw it Sabado, Oktobre 8.
Raya ro pagpati ni Vice Mayor Dr. Cynthia Dela Cruz matapos ro pormal nga anunsyo ni Mayor Juris Sucro it pag-umpisa it Kalibo Sr. Sto. Niño Ati-atihan Festival 2023.
Ginpasaeamatan it bise alkalde ro tanan nga nagsuporta sa aktibidad kung siin maabu nga mga pumueoyo ro dumagsa sa Kalibo Pastrana Park para makisadya.
Apisar nga nakaangkon it sangkiri nga kinagamo apang madasig man sigon raya nga na-resolba.
Samtang, gintaw-an man it punto ni Dela Cruz ro pilang nakita nga kakueangan partikular ro basurahan ag pwersa it kapulisan nga magabantay sa seguridad it publiko.
Apang, eauman sigon ro mas pang pag-improba it LGU sa mga preparasyon it Ati-atihan festival para maging maayos ro daeagan it tanan nga aktibidad.
Ginpasiguro man kara nga pagatutukan ag pagapun-an nanda ro mga nakita nga kakueangan.
Naghinyu man raya sa mga pumueoyo nga maging responsable sa pagpilak it mga basura.
Samtang, ginpaathag man it bise alkalde ro paglunsar nanda it “horror house” sa buean it Nobyembre bilang dugang nga entertainment sa mga pumueoyo.
