KALIBO, Aklan–Dismayado ro grupong Bagong Alyansang Makabayan ukon Bayan-Aklan sa naging desisyon ni Pangueong Ferdinand “Bongbong” Marcos Jr. nga ibutang bilang Undersecretary it Department of Health (DOH) si former PNP Chief Camilo Cascolan.
Suno kay Kim Sin Tugna, Provincial Coordinator it Bayan-Aklan nga ginkakibot nanda ro nasambit nga appointment ni Cascolan.
Ro desisyon sigon it pangueo hay klaro nga owa raya it pagkabaeaka sa healthcare system it nasyon.
Gintaw-an it punto ni Tuga nga maabu nga mga health professional sa Pilipinas nga mas kwalipikadong ibutang sa nasambit nga posisyon.
Kinahang-ean suno kana nga ro mga nagadumaea sa DOH hay mga eksperto ag may kasayuran sa problema it nasyon partikular sa ikaayong eawas eabi pa ag nagapadayun ro paeag it pandemya.
