KALIBO, Aklan—Nagapabilin nga normal ro numero it mga pasahero sa Ceres Bus Terminal sa bahin it Brgy. Estancia, Kalibo.
Suno kay Juan Catalan, dispatcher it Ceres Bus Terminal nga kaeabanan nga nagadagsa ro mga pasahero hay sang adlaw antes ro piyesta minatay.
Ginlaygayan man kara ro mga pumueoyo nga magbiyahe it temprano ag indi eon paghueaton ro last minute.
Kamana man nga hugut gihapon nga sundon ro health and safety protocols partikular ro pagsuksok it face mask sa sueod it bus.
Sa makaron, ro presyo it pamasahe halin Kalibo paadto it Iloilo vice versa para sa andang regular bus hay P285 samtang P353 sa airconditioned bus.
Ginpahayag dugang nga may ginatao man sanda nga 20 porsyento nga diskwento sa pamasahe sa mga estudyante, senior citizen ag PWD.
