Gamit ro mga nagkaeain-eain nga herbal, mga may masakit gilayon ro pagmayad

Ginpakigbahin it sangka manugbueong nga nagapasaeamat imaw nga ro kutob sa mga ginadaea kana nga ginabutbutan hay nagamayad gamit ro mga nagkaeain-eain nga herbal.

Suno kay Emily Teofilo, sangka manugbutbot ag residente it banwa it Numancia nga ro mga ginadaea kana hay ro may mga eagnat eabi eon ro mga uwa nagamayad sa ginainom nga bueong.

Ana sigon raya nga ginabanyusan gamit ro mga nagkaeain-eain nga herbal ag positibo man ro naging feedback it anang pasyente.

Ginpahayag dugang ni Teofilo nga ro anang nanay hay dati man nga manugbutbot kon siin ana man raya nga ginmana ag makapilang beses man imaw nga nagasunod-sunod sa anang ina antes nga nagkaantiguhan.

Nagapangamuyo sigon raya antes nga magpamueong.