Nagapatigayon sa makaron ro United States it midterm election nga kung siin ro magadaog nga mayoryang partido sa nasambit nga eleksyon ro magadumaea sa nasyong Amerika sa sueod it daywang dag-on.
Suno kay Bombo International Correspondent Greg Aguilar it USA nga ro nasambit nga eleksyon hay masami nga ginahiwat sa tunga it ika ap-at nga termino it pagdumaea it sangka pangueo.
Nag-umpisa eon kahapon adlaw it Martes, Nobyembre 8 ro midterm election sa Estados Unidos ag pagaproklamahon ro magadaog nga partido hindunang gabi-e ukon hin-aga adlaw it Huwebes.
Kaeabanan sigon sa atensiyon it midterm election hay nakatutok sa daywang kamara it kongreso, ro senado ag ro house of representatives
Kung siin nagadepende sa magadaog nga partido nga magakontrol sa kamara ag senado ro magiging agenda it pangueo ag America.
Ro resulta it midterm elections makarong dag-on hay magabulig sa pagtumod it mga tikang it nasyon sa mga nagapangunang ginapangatubang nga isyu it nasyon.
Sa makaron, ro partidong democrats sa pagpanguna ni President Joe Biden ag si Nancy Pelosi bilang US Speaker ro nagakontrol sa senado nga may posibilidad nga magabag-o pagkatapos it nasambit nga eleksyon
