KALIBO, Aklan—Mabahoe ro posibilidad nga ro Democrats gihapon ni President Joe Biden ro maga-kontrol sa US Senate kasunod it resulta it midterms election.
Raya hay kabaliskaran sa unang prediksyon nga ro Republicans ro parehong magadaog sa senado ag houses of congress.
Sa pihak kara, ginpahayag ni Bombo International Correspondent Gary Boyd it Las Vegas, Nevada nga posibleng pagadominahon it Republicans ro House of Representatives.
Bangud nga Democrats si Vice President Kamala Harris, sigurado sigon nga ro andang partido man gihapon ro magapangibabaw sa mga pagahimuon nga tie-breaking vote engkaso nga ro upper chamber hay matunga sa 50-50.
Sa makaron hay ginahueat pa ro resulta it eleksyon sa Georgia matapos nga patas ro resulta kun sa siin engkasong magdaog sa re-election ro dating sikat nga football player nga si Orel Hershiser hay siguradong matunga ro senado.
