Nagapabiling kanselado ro klase sa University of Virginia matapos ro nag-eontad nga pagpamaril nga gintunaan it kamatayon it tatlong football players.
Nagpatigayon it vigil ro mga estudyante ag pilang residente sa Charlottesville campus kung siin nagsindi ro mga raya it kandila sa Statue of Homer.
May nakasueat nga karatula nga “UVA Strong” ag “1-15-41” ro jersey number it football players nga namatay nga sanday VA football players Devin Chandler, Lavel Davis Jr. ag D’Sean Perry.
Mag-eowas sa mga namatay hay may daywang ninahan man ag sambilog hay sa kritikal nga kondisyon, samtang gapamayad eon man ro sambilog.
Nasayuran nga ro mga biktima hay kakabalik eamang sa unibersidad matapos ro field trip tag gulpi eamang sandang ginpangbaril it suspek nga si Christopher Darnell Jones Jr nga sangka dating football player.
Pilang oras antes naaresto ro suspek sa Henrico County matapos nga raya hay magpaeagyo.
Ginpasakaan eon man raya it kasong second-degree murder ag three counts of using handgun ag felony.
