-- ADVERTISEMENT --
KALIBO, Aklan–Ginakondena it grupong Bagong Alyansang Makabayan ukon Bayan-Aklan ro nagakatabo nga sugae sa sueod it daywang peryahan sa banwa it Kalibo.
Suno kay Kim Sin Tugna, Provincial Coordinator it Bayan-Aklan nga dapat hay purong “entertainment” eamang ro ginaserbi it perya ag owa it kaeakip nga sugae base sa andang gin-aplayan nga permit sa lokal nga gobyerno.
Ro anuman nga hampang nga may kaibahan nga taya ag premyo nga kwarta hay makabig nga sugae eabi eon kung owa it limitasyon.
Dapat sigon nga usisaon it LGU ag Kalibo PNP ro operasyon it peryahan para malimpyuhan raya halin sa iligal nga hilimuon.
Engkaso sigon nga mapamatud-an nga may sugae nga nagakatabo, nagakadapat eamang nga punduhon eon ro operasyon kara.
-- ADVERTISEMENT --
