KALIBO, Aklan–Bangud sa sangkiri nga supply it sibuyas sa Mindoro rason nga nagamahae ro presyo sa mga merkado.
Raya ro ginpahayag ni Archie hilario, sangka vlogger ag tag-ana it taeamnan it sibuyas sa nasambit nga probinsiya.
Suno kana nga kaeabanan nga nagamahae ro sibuyas kada Nobyembre ag Disyembre bangud nga raya ro tiempo it tigtaeanum.
Apang pag abot it Marso hay uman nga maga-naba ro presyo bangud sa harvest season.
Aminado man si Hilario nga makaeoeo-oy ag lugi ro mga farmers ag ro mga daeagkuan nga negosyante ro naga-manggaranon.
Kaeabanan sigon nga ginapakyaw it mga negosyante nga kaabuan hay nagahalin sa Iloilo sa balor nga P20 hasta P50 pesos ro kada kilo it sibuyas ag gina-hoard ukon ginatago sa andang mga bodega.
Ginapaguwa sigon nanda ro supply kada Setyembre sa oras nga mahae ro presyo bangud sa kakueangan it supply.
Samtang, ginkontra man nana ro gobyerno sa ginahimo nga importasyon it agricultural products eabi eon ro sibuyas ag bugas bangud nga raya ro nagapatay sa mga mangunguma.
Nasayuran nga nagahampang makaron sa P280 hasta P300 pesos ro kada kilo it sibuyas nga puti ag puea sa merkado.
