Uman nga nagkampeon ro Sangguniang Panlalawigan it Aklan sa ikatlong kahigayunan sa Excellence in Local Legislation Province Category of the 2022 Excellence in Local Governance (EXCELL) Awards sa ginpatigayon nga PAGDAYAW 2022 it Department of Interior and Local Government (DILG) Regional Office VI ko Disyembre 5, 2022 sa Iloilo City.
Suno kay SP Aklan consultant Mr. Odon Bandiola, raya nga aktibidad hay dag-unan nga ginahimo kon siin raya ro ikatlong sunod nga dag-on nga nagdaog ro SP.
Mag-eowas kara, ginakalipay man it gobyerno probinsyal nga nakuhit it Aklan ro ‘Best Performing Province’ sa bilog nga rehiyon 6.
Sa an-om ka mga best practices nga ginpasakop it gobyerno probinsyal hay nagkampaeon sa Local Legislation, Public Safety, Peace and Order Governance, ag Administrative Governance.
Samtang 2nd Runner Up man pag-abot sa kategorya it Social Governance, Economic Governance ag Environmental Governance.
Ginpahayag dugang ni Bandiola nga ro naangkon nga kadungganan it probinsya hay nagapamatuod eamang sa epektibong pagdumaea sa pang gobyerno eabi eon sa pagresponde sa mga kinahang-eanon it pumueoyo ag pagdumaea sa sistema pag-abot sa finances ag maabong iba pa.
