BTS member nga si Jin nag-umpisa eon sa anang mandatory military training

Gin-umpisahan eon ni BTS member nga si Jin ro anang mandatory military service.

Magapabilin ro 30-anyos nga si Jin sa South Korea army training sa northern Gyeonggi province it hasta 18 buean.

Apisar nga hugut ro ginapatuman nga seguridad sa lugar hay nag-adto pa gihapon ro mga fans it grupo agud nga makit-an ro andang idolo.

Kaibahan ni Jin ro anang ginikanan sa paghatod kana sa kampo it mga soldado.

Nakabaehag sa idaeom it laye it South Korea nga dapat magserbi sa military ro mga kaeaeakihan nga may edad 28.

Sa bag-ong laye nga ginpasa it mga mamalidha ko 2020 ginapasugtan nanda nga makasueod sa mandatory training sa edad nga 30 ro mga kaeaeakin-an nga sumikat sa andang art and culture.