KALIBO, Aklan—Magiging dinapit nga bisita sanday presidential sister ag senator Imee Marcos kaibahan si senador Ramon “Bong” Revilla, Jr. ag PCSO chairman Mel Robles sa bisperas it selebrasyon it Kalibo Sto. Niño Ati-Atihan Festival makaron nga adlaw it Sabado.
Pagasaksihan nanda ro uman nga pagpatigayon it face to face nga selebrasyon it festival nga ginakabig nga Mother of All Philippine Festivals.
Suno kay Boy Ryan Zabal, chairman it committee it sadsad ati-atihan contest nga siguradong magiging masadya ag makolor ro pagpasundayag hin-aga nga adlaw it 34 nga mga participating tribes and groups sa judging day, kun sa siin magiging bilog nga adlaw ro andang performance.
Kadungan kara, ginpasaeamatan ni Zabal si Kalibo Mayor Juris Sucro bangud sa haeos P10 milyon pesos nga gintaeana nga pondo, kaabuan kara hay naghalin sa kaugalingon nga boesa it alkalde.
Raya hay para sa mga prizes ag allowances it tribal small category, balik ati, modern tribal ati ag tribal big category.
