Positibo ro Marcos administration nga maeampasan pa ro pag-umwad it ekonomiya ko 2022.
Suno kay Finance Secretary Benjamin Diokno, ginaeauman nga maeagpasan it gintaeanang target it gobyerno nga 6.5% hasta sa 7.5% nga economic growth para makaron nga dag-on.
Ginhimu ni Dioknoro nasambit nga pahayag sa sangka luncheon meeting para sa Philippine delegation sa Davos Switzerland kadungan pa sa gihapon it ginapatigayon nga World Economic Forum.
Suno pa sa Finance chief nga ro ekonomiya it nasyon makaron nga dag-on hay ginatan-aw nga maga-umwad it 6.5% sa tunga it ginaeauman nga global recession nga sambilog sigon sa pinakamataas nga growth projection sa Asia Pacific region.
Ginpakigbahin man ni Diokno ro plano it gobyerno nga pagpabaskog it ekonomiya it nasyon sa pamaagi it pagbukas sa mga sektor sa foreign equity, pagpanami it ease of doing business ag pagpasanyog it public-private partnership para suportahan ro infrastructure program it presenteng administrasyon.
