Ginapatuman makaron it lokal nga gobyerno it Malay sa mga residente partikular sa isla it Boracay ro polisiya nga “no segregation, no collection” it basura.
Raya hay agud nga mamintina ro kalimpyo sa palibot kamana man nga antes raya hakuton hay nasegregate eon it mga pumueoyo para maidentify ro klase it basura.
Apang, suno kay Baby Lyn Frondoza, sanitation inspector VI it LGU Malay nga hangkat para kanda nga may mga tawo gid nga uwa nagasunod sa mga polisiya ag ordinansa eabi eon sa ginapatuman nga single use of plastic kasunod sa mga nataeopangdan nga may una gihapon nga nagagamit it plastic sa dry goods.
Hugot sigon nanda nga ginapaimplementar nga eco bag eon lang ro gamiton pag-abot sa mga ginapamakae nga dry goods.
Apang, ro monitoring team eamang man ro andang ginabantayan ag nagabalik man ro mga raya sa dating gawi.
Random suno kana ro andang pagsikyar sa mga establisyimento agud ro masita nga uwa nagasunod sa polisiya hay may pagaatubangon nga multa.
Panugyan man kara sa tanan nga maging responsable ag umpisahan sa panimaeay ro disiplina eabi eon sa mga onga agud nga sa pagguwa it mga raya hay antigo eon sanda sa mga dapat nga obrahon para sa ikalimpyo it palibot.
