Sa haba it tiempo, problema gihapon ro mga ‘economic saboteurs’ ukon ro mga nagapamentaha sa ekonomiya it nasyon.
Mas pa nanda nga ginpamayad ro mga hueag ag owa it kahadlok.
Kumbaga, na-master eon nanda ro pagmanipula sa presyo it mga produkto.
Gulping nakaangkon it shortage, magapataas it presyo, magapanawagan it importation, ag samtang nagakatabu hay eapnaag man ro smuggling.
Sandang mga smugglers, abusadong traders ag taga-gobyerno nga korup ro nagapanipueos samtang maabung Pinoy man ro naga-antus.
Rason nga ro hangkat sa gobyerno, wakasan eon ro nasambit nga pagpanabotahe.
May panawagan man sa Department of Justice (DOJ) kaibahan ro National Bureau of Investigation (NBI), nga imbestigahan ro mga nagamanipula sa presyo it agricultural products.
Ikulong eon ro mga ‘economic saboteurs’ nga nagapa-antus sa mga Pilipino.
Ipakita naton nga may laye ag mas gamhanan kaysa kwarta ukon impluwensya.
Kinahangean nga may makulong at masampolan agud nga eubusan nga matapna ro makarondaya nga klase it hilimuon.
Sa atong Pangueong Bongbong Marcos, nga sekretaryo man it Department of Agriculture (DA), raya eon ro tiempo agud nga maakig ag mapasabat ro mga nagapamentaha sa atong nasyon .
