Uman nga nagpahayag it bilog nga suporta ro Department of National Defense (DND) para sa tikang it Kongreso angot sa ginaduso nga hagna nga ibalik ro mandatory Reserve Officers Training Corps(ROTC) sa higher education institutions.
Ginpahayag ni Defense Secretary Carlito Galvez, Jr, ginakilaea sigon kara ro pagiging masigasig it mga mamalidha para sa nasambit nga hagna.
Ginpasiguro man ni Galvez nga magabulig ro mga raya sa legislative process sa pamaagi it full cooperation ag inputs.
Dugang pa kara it Department of National Defense nga ro projected timeline para sa pagpatuman it laye para sa mandatory Reserve Officers Training Course program hay maga-umpisa sa sueod it daywa hasta tatlong dag-on.
Ro target man para sa full implementation hay pwedeng ipatigayon sa sueod it limang dag-on.
Kampante man ro senador nga si Senator Ronald “ Bato” Dela Rosa nga sarang nga mapondohan ro programa bangud ro mandatory Reserve Officers Training Corps hay sambilog sa mga priority measures sa idaeom it Marcos administration.
Kung madumduman, ginsertipikahan ni Pangueong Ferdinand “Bongbong” Marcos nga urgent ro House Bill No. 6687 ukon ro National Citizens Service Training Program Act.
