KALIBO, Aklan—Padayun ro pag-engganyo it Commission on Elections ukon Comelec sa mga eligible voters nga magpa-rehistro para sa pagahiwaton nga Barangay ag Sangguniang Kabataan Elections makaron nga dag-on.
Raya hay kasunod it pahayag it Comelec nga owa eon it matabu nga extension.
Suno kay Crispin Raymund Gerardo, tagapaghambae it Comlec-Aklan nga ro deadline kara hay magatapos eon hin-aga nga adlaw, Enero 31.
Owa suno kana it nakikita nga rason ro komisyon agud nga makaangkon pa it extension bangud nga naging bastante man ro andang information drive ag registration programs agud nga maka-engganyo it mas maabu nga mga botante.
Ro masubo suno kay Gerardo hay makaron eamang nga adlaw it Lunes amat-amat nga nataeupangdan ro pagdagsa it mga tawo sa andang taeatapan kat madali lang ro deadline.
Sa pihak kara, nagapati si Gerardo nga haeos mataas eon ro percentage it voters registration sa Aklan kun sa siin ro anda eon lang nga ginatutukan hay ro mga new voters nga maga-edad it 15 anyos antes ro adlaw it eleksyon.
