Nagapabilin bilang Pangueo it Lakas-CMD party si House Speaker Martin Romualdez ag si Vice President Sara Duterte bilang chairperson it partido,matapos magbotohan it mga bag-ong opisyal.
Nagapati si Speaker Romualdez nga sa bag-ong mga lider it Lakas-CMD hay mas pang magabaskog ro suporta it partido sa administrasyon ni Pangueong Ferdinand Marcos Jr. ag sa anang Agenda for Prosperity ag socio-economic roadmap.
Kaibahan sa iba pang nagdaog nga opisyal it partido sanday dating pangueo ag makaron hay Senior Deputy Speaker Gloria Macapagal-Arroyo bilang chairperson emeritus, dating Speaker Jose de Venecia Jr. bilang co-chairperson emeritus, Senador Ramon “Bong” Revilla Jr. bilang co-chairperson, Capiz Governor Fredenil Castro bilang vice chairperson, ag House Majority Leader Mannix Dalipe bilang executive vice president.
Sa makaron, may una nga 68 nga miyembro ro Lakas-CMD sa Kamara.
Raya hay mag-eowas pa sa ginatos nga mga governors, city ag town mayors, provincial board and city and municipal council members ag iba pang local officials.
Nagtukod man it national advisory council ro partido para suportahan ro executive committee.
Ro mga miyembro it advisory council hay sanday dating executive secretary Eduardo Ermita, dating secretaries Gabriel Claudio ag Nasser Pangandaman Sr, ag Agriculture Undersecretary Zamzamin Pamintuan.
