Ginatun-an eon it Department of Agriculture (DA) nga ipanaba ro suggested retail price (SRP) it sibuyas sa P125 kada kilo kara.
Raya hay suno kay Department of Agriculture Deputy spokesperson Rex Estoperez angot sa pag-abot it mga imported ag ro gina-eauman nga peak it season harvest it sibuyas.
Suno kana, para masiguro nga maganaba ro presyo it retail, ginatan-aw pa it taeatapan nga magtaeana it suggested retail price nga P125 kada kilo samtang ro mga baeakean hay pagabantayan man it mayad.
Sa pihak kara, gin-aku man kara nga may posibilidad nga indi magsunod ro merkado sa nasambit nga suggested retail price.
Kung madumduman, sa kasagsagan it kakueangan sa suplay, tumaas ro presyo it sibuyas hasta P700 kada kilo sa pilang parte it nasyon.
Para tapnaon eon ro pagtaas it presyo, ro nasyon hay nag-import it mga sibuyas sa pihak it pag-umpisa it panyempo it anihan.
Una eon nga gin-aprubahan it Department of Agriculture ro pag-import it 21,000 metric tons it sibuyas nga kung siin nag-abot eon ro unang shipment kara sa nasyon.
