Patay sa magnitude 7.8 nga linog sa Turkey bumunae eon sa masobra 2,300

Sumaka eon sa 2,361 katawo ro namatay sa magnitude 7.8 nga linog nga  tumama sa Turkey ag Syria.

Sa nasambit nga numero , ginakaeakipan raya it  1,541 maghalin sa Turkey.

Suno  kay Turkey Vice President Fuat Oktay nga may kapin sa 9,733 katawo  ro ninahan.

Samtang sa Syria mat-a hay kapin sa 870 ro namatay  kung siin 430 hay maghalin sa government-controlled areas  samtang  390 hay maghalin sa opposition-controlled areas.

Ginaeauman it   mga otoridad nga madugangan pa ro numero it mga namatay bangud padayon ro ginapatigayon nandang pag-usoy sa mga namatay  sa mga lugar kung siin  nag-eugos ro maabu nga edipisyo.