Pila sa mga tips para sa mga unga nga mapili sa pagkaon.
Likawan ro meryenda kun maeapit eon ro oras it ilabas bangud nga maduea-an sanda it gana.
Maskin nga owa naila nga magkaon ro unga, ipabilin gihapon imaw nga kaibahan sa lamesa kada oras it pagkaon.
Masanay sanda kon pasugtan nga magtan-aw ukon maghampang eamang ag indi mapa-intindi ro importansiya it pagkaon.
Ipaeayo ro mga pagkaon ukon ilimnon nga indi naton gustong itau sa unga kapareho it softdrinks.
Mas mayad nga owa raya sa baeay kaysa nga nakikita nanda apang sanda hay ginabawaean.
Indi pag obrahon nga premyo ro pagkaon kapareho it pagtau it tsokolate matapos maubos ro tinuea.
Sa baylo hay ipaintindi ro importansiya it tinuea nga mas manami kaysa sa premyong tsokolate.
Indi pagpilitonj ro unga basi nga mas pang mahadlok sa pagkaon.
Imbes nga piliton , intindihon ro unga.
Istoryahon it kalmado ag sayuron ro rason it andang pag ayaw.
