KALIBO, Aklan—Naging eskandaloso ro ikaywang pag-atubang ni President Joe Biden sa US congress agud nga magpatigayon it anang state of the union address kahapon, Pebrero 7, 2023.
Suno kay Bombo International Correspondent Pinoy Gonzales it Texas, USA nga naging viral ro hitabu matapos nga masaksihan it kaabuan ro romantic greetings sa tunga ni first lady Jill Biden ag mister ni vice president Kamala Harris nga si Doug Emhoff kun sa siiin naglips to lips ro mga raya.
Sa pihak nga parte, gindugang pa ni Gonzales nga ginbatikos man ro naging diskurso ni Biden bangud nga puro kinopyahan raya.
Madumduman nga uman nga gin-review it leader it democrats ro highlights it anang termino sa nagtaliwan nga 12 buean sa pagpungko sa pwesto.
Ro anang speech hay parehong nakabaton it palakpak ag “boo” halin sa mga nagtambong.
Ginpahayag ni Gonzales nga maabu ro nag alsa it kilay sa naging pahayag ni Biden nga uman nana nga igabalik ro “made in America” ukon pag engganyo sa mga pumueuyu nga sakdagon ro mga produktong nagahalin sa andang nasyon.
Ginabira suno kana ro biden administration bangud sa padayun nga pagtaas it inflation rate sa US.
