Nagakabaeaka makaron ro mga pumueuyo sa Las Vegas, California sa posibilidad it kakueangan it suplay it produktong petrolyo sa masunod nga mga inadlaw.
Ginpahayag ni Bombo International Correspondent Gary Boyd it Las Vegas, Nevada, USA nga ginadagsa eon makaron it maabu nga mga tawo ro pilang ka mga gasolinahan sa nasambit nga lugar.
Raya hay bangud sa temporaryo nga pagapundo it pagsuplay it langis sa mga gasolihan tuga man it pagkasamad it sangka fuel pipe line facility nga nagahalin sa Los Angeles paagto sa Las Vegas.
Kung siin masobra sigon sa an-um nga adlaw antes makay-ad ro nasambit nga pipe line.
Sa makaron, indi pa sigon mabatyagan sa mga mabahuean nga lugar nga may mabahuean nga gasolinahan ro kakueangan it suplay it petrolyo.
Sa pihak nga parte, ginasugid nga raya ro unang kahigayunan nga natabo ro nasambit nga problema.
