Mag-eowas sa mga berdeng tinuea, isdang may Omega 3, kamatis, Citrus fruits kapareho it simuyaw, suwa ag dalanghita kamana man ro carrots, ag saging, pila pa sa pinaka-healthy nga pagkaon hay ro gatas, keso ukon yoghurt.
Ro mga produkto it gatas kapareho it mga namitlang hay makabig naton nga “complete foods.”
Raya hay bangud nga ro gatas hay may protina, may carbohydrates ag may tambok man.
May calcium pa para sa kababayin-an.
Ro bawang hay makabulig agud nga mapanaba ro kolesterol.
Mag-dahan eang sa pagkaon kara ag puwedeng maghapdi ro inyong tiyan.
Ro mansanas hay may vitamin C ag may pectin nga nagabo-oe it mga higku sa eawas.
Makabueusog man raya ag puwedeng pang-diyeta.
Kaibahan sa listahan ro tubi bangud nga maabu sa mga Pinoy hay kueang sa pag-inom it tubi.
Eabi eon kon mainit, kinahangean nga mag-inom it 8 to 12 basong tubi.
Makabulig raya agud nga makalikaw sa impeksiyon sa ihi, panglimpyo it eawas, pagbawas it acid sa tiyan ag pangpanami it atong kutis.
