Agud nga maproteksyunan ro supply it baboy sa probinsya it Aklan, nagpaguwa it executive order si Aklan Governor Joen Miraflores nga dumilian ro pagpaguwa it nasambit nga sapat paadto sa ibang probinsya ukon syudad.
Ginapanan-aw ni Uriel Las Piñas, municipal agricultural officer it lokal nga gobyerno it Kalibo nga ro mandato it gobernador hay base sa naobserbahan nga pagsaka sa presyo it baeak-an it live weight nga baboy kon sa siin ro epekto kara hay magataas man ro presyo it karne sa merkado publiko.
Agud nga inde sigon maging kueabos ro supply sa probinsya ag may makonsumo ro mga bumaeakae hay kinahang-ean raya nga protektahan.
Nauna eon nga nagpaguwa it mandato si Miraflores nga dumilian ro pagpasueod it buhi nga baboy ag iba pang meat products maghalin sa mga lugar nga ginakabig nga red zone ukon apektado it African Swine Fever ukon ASF.
