Grizzles guard Ja Morant suspendido it waeong hampang

Ginsuspendi it waeong hampang it NBA si Memphis Grizzles guard Ja Morant.

Kasunod raya sa insidente it pagpakita nana sa social media nga may ginabuytan it baril.

Suno sa NBA nga nakakasamad sa liga ro ginhimo raya ni Morant.

Gin-imponeran it suspension matapos ro ginhimo nga pueong sa tunga ni Morant ag ni NBA commissioner Adam Silver.

Madumdumang ko Marso 4 kat nagkalhit sa social media ro video ni Morant nga may ginabuytan nga baril samtang una sa impluwensya it aeak sa sueod it sangka night club.

Nauna eon nga gin-imponeran it Grizzles it daywang hampang nga suspension ag nagpangayo man it pasaylo si Morant sa insidente.