Gin-aku ni Pangueong Ferdinand Marcos Jr. nga nakaka-eksperyensya it krisis sa tubi ro Pilipinas.
Sa pagtambong it punong ehekutibo sa ika-6 nga edisyon it Water Conference and Exposition, ginpahayag it Pangueo ro pilang mga tikang para masabat ro problema sa tubi.
Kaeakip kara ro pag-angkon it ‘stratagems’ para sa water treatment ag flood control pojects nga kinahangean nga maidaea sa grassroots level bangud sa krisis sa tubi sa nasyon.
Ginkakibot man it Pangueo nga sa nakataliwan nga mga dag-on owa sigon sa mga Senador maging mga Gobernador ro nagpaabot angot sa problema sa tubi kung siin pilang urban ag rural communities sa nasyon ro nakaka-eksperyensya it krisis sa nasyon.
Nagapati ro Pangueo nga owa natataw-an it igtueopangod ukon natatan-aw ro krisis sa tubi.
Suno pa sa Pangueo nga may unang epekto ro problema sa tubi pag-abot sa suplay it pagkaon ag ginpunto man kara ro kahaegahan it irigasyon sa sektor it agrikultura.
Angot kara, ginpahayag dugang it Pangueo nga anang ginpirmahan ro sangka executive order nga ginhimo sa Office of Water Management nga tuyong madumaeahan ro resources it tubi
