Nagpaandam ro Department of Health sa publiko kontra sa maabong sakit nga pwedeng maeksperyensyahan sa tunga it krisis sa tubi tuga it El Niño.
Ginpahayag ni DOH officer-in-charge Maria Rosario Vergeire nga ro mga komunidad hay pwedeng makabuoe it mga sakit kaparehas it cholera, typhoid fever ag maging ro mga sakit nga daea it vector kaparehas it dengue.
Suno kana, nabubuoe ro mga nasambit nga sakit bangud sa pagtipon it tubi tuga it kakueangan it supply.
Dugang pa nana, ro Schistosomiasis, sangka sakit nga tuga it mga parasitic worm nga makit-an sa mga freshwater snails hay kaeakip man sa mga sakit nga pwedeng magguwa bangud sa krisis sa tubi.
Rason nga nagpadumdom ro DOH nga ipabiling malimpyo ro tubi nga ginagamit eabi eon ro mga ginainom ukon water intake.
Sa makaron sigon hay naeksperyensyahan eon ro mainit nga panyempo bangud nagtapos eon ro maeamig nga panyempo nga tuga it northeast monsoon.
